निजामती कर्मचारीहरुलाई लोकसेवा तयारी कक्षा पढाउन बन्देज लगाइने भएको छ । संघीय निजामती सेवा विद्येयकमा कर्मचारीहरुलाई लोकसेवा आयोग तयारी कक्षा पढाउन बन्देज लगाइने भएको हो ।
बिज्ञापन
यस अघि लोकसेवा आयोग तयारी कक्षामा पढाउन कर्मचारीहरुले स्वीकृति लिनुपर्ने प्रावधान राखिएको थियो । प्रतिनिधि सभा र राष्ट्रियसभा दुवै सदनका सांसदहरुले पूर्व स्वीकृति लिएर कार्यालय काममा बाधा नपुग्ने गरी तथा कार्यालय समय बाहेकको समयमा तयारी कक्षा पढाउन समेत बन्देज लगाइएको हो ।
बिज्ञापन
यस अघि ७७ सालमै लोकसेवा कक्षा पढाउनका लागि अनिवार्य स्वीकृति लिनुपर्ने प्रावधान राखिएको थियो मन्त्रिपरिषद्बाटै । एकनारायण अर्याल संघीय मामिला तथा सामान्य प्रशासन मन्त्री हुँदा नै कर्मचारीहरुलाई लोकसेवा तयारी कक्षा पढाउनका लागि स्वीकृति लिनुपर्ने प्रावधान राखिएको थियो ।
सेवा प्रभावित हुने गरी सरकारी अधिकृतहरू कार्यालय समयमा समेत लोकसेवा कक्षा सञ्चालन गर्ने इन्स्टिच्युट धाउन थालेसँगै त्यसलाई रोक्न भन्दै पटक पटक पत्राचार भएको थियो यद्यपि कार्यन्वयन हुन सकेको थिएन । कार्यालय समयबाहेक फुर्सदको समयमा अनुमति लिएर पढाउनुलाई मानिए पनि कार्यालय समयमा समेत कर्मचारीहरु निजी इन्स्टिच्यूडतिर भेटिन थालेका हुन । खासगरी शाखा अधिकृत र त्यसमाथिका ठूलो संख्याका कर्मचारीहरू विभिन्न निजी इन्स्टिच्युटमा आबद्ध भएर पढाउने, त्यसैको तयारीका लागि ध्यान दिने र धेरै समय व्यतीत गर्ने गर्दा कार्यालयको काम प्रभावित भएको भेटिएको छ । मन्त्रालयका सचिव, सह–सचिव, उपसचिव, कानून मन्त्रालयका सहसचिव, उपसचिवदेखि अधिकृत, महालेखा नियन्त्रक कार्यालयका थुप्रै सह–सचिव, उपसचिवदेखि अधिकृतसम्मका कर्मचारीहरू दिनहुँ नेम्स, एपेक्स, चैतन्यजस्ता लोक सेवा आयोगका कोचिङ सेन्टरमा सरकारी गाडी लिएर पढाउन जाने गरेको भन्दै उनीहरुलाई बन्देज लगाउन खोजिएको हो ।
बिज्ञापन
सरकारी निकायमा पढाउँदा धेरै आम्दानी नहुने हुँदा प्रति पिरियड तीन हजारदेखि ६ हजारसम्म हात लाग्ने भएका कारण सरकारी कर्मचारीहरु निजी इन्स्टिच्यूडमा धाउने सिलसिला बढेको राष्ट्रिय सतर्कता केन्द्रले गरेको एक अनुगमनको क्रममा खुलेको थियो । सरकारी इन्धनदेखि सवारी साधन समेत दुरुपयोग गर्दै अधिकृतदेखि सहसचिव सचिव तहसम्मका कर्मचारीहरु निजी इन्स्टिच्यूडमा पढाउन धाउने क्रम बढिरहेको थियो । केही प्रशासकहरु कार्यालयको काममा भन्दा लोकसेवा तयारी कक्षा पढाउन बढी व्यस्त हुने र कार्यालयमा समेत लोकसेवा तयारी कक्षा पढाउनकै लागि तयारीमा रहने विकृति बढिरहेको समयमा संसदका दुबै समितिले कर्मचारीहरुलाई लोकसेवा तयारी कक्षा बढाउन प्रतिवन्ध लगाउन खोजेको हो,संघीय निजामती सेवा विद्येयकबाटै ।
